АНУ-ын Холбооны мэдээлэл технологийн хорооноос 2014 оны тавдугаар сараас яаралтай тусламжийн 911 дугаарт зөвхөн дуудлага хүлээн аваад зогсохгүй мессеж хүлээн авдаг болох тухай мэдээлжээ. Мессежеер 911-т дуудлага хүлээн авдаг болоход нарийн мэргэжлийн тоног төхөөрөмж, бэлтгэгдсэн мэргэжилтэй ажилтан, компьютерийн программ зайлшгүй шаардлагатай  бөгөөд энэ шинэ үйлчилгээний технологийн ажил хэдийнэ эхэлжээ. Цаашдаа яаралтай тусламжийн 911 дугаарт мессеж хүлээн авах үйлчилгээг улам сайжруулсны үр дүнд зураг, бичлэг зэргийг ч хүлээн авах боломжтой болох гэнэ.

АНУ-ын Холбооны мэдээлэл, технологийн холбооноос мэдэгдсэнээр энэхүү үйлчилгээг АНУ-ын яаралтай тусламжийн ихэнхи дугааруудад хэрэглэж болох ч зарим нэг хүндрэл тулгарах гэнэ. Жишээ нь: Энэ үйлчилгээний сүлжээ нь АНУ-ын хүн амын 90 хувийг л хамрах боломжтойн дээр гадны эх үүсвэрээс буюу “SMS roaming” үйлчилгээг ашиглах боломжгүй юм байна. Юутай ч яаралтай тусламжийн 911 дугаарт тусламжийн мессеж ямар нэгэн шалтгаанаар хүлээн аваагүй нөхцөлд залгаж дуудлага өгөх боломж хэвээр байх аж. Энэхүү үйлчилгээг ирэх жилээс туршилтын байдлаар хэрэглэж эхлэх гэнэ.