Баруун бүсийн аймаг, дундын отрын бүс нутгийг тогтоосноор 28.9 мянга га газрыг хамрах болжээ. Үүнд Баян-Өлгий аймгийн Ногооннуур суманд харьяалагдах 8000 га талбай, Увс аймгийн Ховд суман дахь 20.9 мянга га газар багтаж буй аж.

Өнөөдрийн байдлаар 21 аймгаас зургаад нь өвөлжилт хүндэрч болзошгүй гэсэн мэдээллийг орон нутгаас ирүүлж буй. Тиймээс отрын бүс нутгийг ийнхүү тогтоосон нь цагаа олсон шийдвэр гэж орон нутгийнхан үзэж байна.