Оюутны хотхоны бүтээн байгуулалтыг энэ зун эхлүүлэх үүрэг өглөө | News.MN

Оюутны хотхоны бүтээн байгуулалтыг энэ зун эхлүүлэх үүрэг өглөө

Хуучирсан мэдээ: 2010.05.20-нд нийтлэгдсэн

Оюутны хотхоны бүтээн байгуулалтыг энэ зун эхлүүлэх үүрэг өглөө

Өнгөрсөн даваа гаригт хуралдах товоо зарлаад, холбогдох сайд дарга нар нь хөдөө томилолтоор явсны улмаас хойшлогдоод байсан Оюутны хотхон байгуулах ажлын хэсгийн хурал өнөөдөр боллоо.
Ажлын хэсгийн хуралдаан дээр Ерөнхий сайд, ажлын хэсгийн дарга С.Батболд холбогдох албан тушаалтнуудад тодорхой үүрэг өгчээ.
Тухайлбал, МУИС, ШУТИС, СУИС, Боловсролын их сургууль, Эрүүл мэнд, шинжлэх ухааны их сургуулийг Их сургуулиудын нэгдсэн хотхонд төвлөрүүлж, хотхоныг Улаанбаатар хотоос 40 гаруй км хол орших Налайх дүүргийн зүүн хэсэг, “Шивэрт”-ийн хөндийд байршуулах хувилбар дээр ажлын хэсэг тогтлоо. Хотхон байгуулах газар нь 1000 гаруй га бөгөөд  ойр орчинд нь газар олгохгүй байхыг Нийслэлийн Засаг дарга бөгөөд Улаанбаатар хотын Захирагч Г.Мөнхбаярт үүрэг болгов.
Хотхоныг оюуны дагавар хот байдлаар байгуулах хувилбарыг  ирэх долоо хоногийн Засгийн газрын хуралдаанаар хэлэлцүүлж бүтээн байгуулалтын ажлыг даруй эхлүүлэх үүрэг чиглэлийг Ерөнхий сайд өгсөн юм. Ингэхдээ “ШУТИС, мэдээлэл технологийн сургууль, аж ахуйн нэгжүүдийг “Цахиурын хөндий”-д багтаах асуудлыг хамтад нь шийдэхийн чухлыг онцоллоо.
Оюутны хотхон байгуулах нь нэг талаасаа залуучуудын сурах орчныг бүрдүүлж байгаагийн зэрэгцээ Улаанбаатар хотын өмнө тулгамдаж байгаа олон асуудлыг давхар шийдэх давуу талтайг  Ерөнхий сайд хэллээ. Тухайлбал, Улаанбаатар хотын замын түгжрэл, төвлөрөл саарна, нийслэлийн иргэдийн тав тухтай амьдрах орчин сайжирна гэж үзэж байна.
Өнөөдөр, оюутнуудын нийтийн тээврийн зардалд нийслэлийн төсвөөс жилд 18-20 тэрбум төгрөг зарцуулж буй бөгөөд хотхоны асуудал шийдэгдсэнээр хот энэ хөрөнгөө хөгжлийн бусад зүйлд зарцуулах боломж бүрдэх юм.
Улсын их, дээд сургуулиудыг нэгтгэн оюутны хотхонд төвлөрүүлэхээс гадна хувийн их, дээд сургуулийн Оюутны хотхоны байршил, газрын асуудал энэ хурлаар мөн хөндөгдлөө.
Монгол Улсын Ерөнхий сайд С.Батболд хэлэхдээ “Улсын их, дээд сургуулийн асуудлыг шийдвэрлэхийн зэрэгцээ хувийн томоохон сургуулиуд санаачилгаараа нэгдэх, үйл ажиллагаагаа чанаржуулах бодлого явуулбал төрөөс дэмжлэг үзүүлэх ёстой. Хувийн сургуулиуд 5-10 мянган оюутан нэгтгэж чадсан тохиолдолд хотхоны газрын асуудлаа шийдэхэд нь дэмжлэг үзүүлэх боломжтой. Энэ асуудлыг хамтад нь судалж, холбогдох байгууллагууд, хувийн их, дээд сургуулиудын нэгдсэн холбоод, удирдлагуудтай уулзаж ярилцан, саналыг нь сонсох хэрэгтэй” гэлээ.
Оюутны хотхон байгуулах ажлыг улсын төсөв болон бусад эх үүсвэрээс санхүүжүүлэх асуудлыг энэ хурлаар мөн ярилаа. Ерөнхий сайд хэлэхдээ “Оюутны хотхоныхоо санхүүжилтийг Засгийн газрын түвшинд гадаадын зээл тусламж, төслийн хүрээнд суурийг нь сайн тавих  хэрэгтэй. БНХАУ-аас тусламжийн хүрээнд 270 сая юаньтай тэнцэх эх үүсвэрийг оюутны хотхоны суурь барилгад ашиглаж болно” гэсэн юм.
Оюутны хотхоныг төсөвт дарамт үзүүлэхгүйгээр байгуулах бүрэн боломжтойг БСШУ-ы сайд Ё.Отгонбаяр хурлын үеэр хэллээ.
Оюутны хотхонд их сургуулиудын дунд нэгдсэн том мэдээллийн төв буюу номын сан, биеийн тамирын заал танхимууд, худалдаа үйлчилгээ, нийтийн хоолны газрууд байх зарчмыг баримталж байна. Их сургуулиудын лаборатори, тэнхимүүдийн мэдэлд байгаа өндөр үнэтэй, нарийн багаж тоног төхөөрөмжүүдийг төвлөрүүлэн, нийт оюутан, багш, мөн төрийн болон төрийн бус, бизнесийн бүх байгууллагын захиалга хүсэлтээр үйлчилдэг “Нэгдсэн судалгааны болон туршилтын төв” байгуулна. Ингэснээр МУИС-ийн профессор багш нар, магистрант, докторантууд, ШУА-ийн хүрээлэн, төвүүдийн эрдэм шинжилгээний ажилтнуудын тархай бутархай байдлыг арилгаж, оюуны хүчээ нэгтгэн шинжилгээ судалгааны ажлуудыг хамтран хийдэг, гарсан үр дүнг нь бизнес, санхүүгийн байгууллагуудтай хамтран үйлдвэрлэлд шуурхай нэвтрүүлдэг улс орны хөгжилд бодитой нөлөө үзүүлдэг механизмыг бүрдүүлэх нь Оюутны хотхоны хөгжилд онцгой үүрэг гүйцэтгэнэ гэж ажлын хэсэг үзэж байна.
Хөдөө аж ахуйн их сургуулийн одоогийн байршил, үйл ажиллагаа нь хотхон хэлбэрт дөхөж очсон, цаашид элсэлт дорвитой нэмэгдэхгүй тул Хан-Уул дүүргийн Зайсангийн аманд хэвээр байршуулж, хөгжүүлэх нь зүйтэй гэж ажлын хэсэг үзжээ.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

саран 2010-05-20 202.170.81.198

энэ олон оюутаныг нэг дор тэгж байрлуулж төвхнөтлөө л удна л даа Олон тоног төхөөрөмжийг цуглуулж нэгдсэн лаборатори болгож чадах уу Анагаахийн сургуулийн оюутнууд чинь эмнэлэг дээр хичээл нь ордог гэсэн биз дээТэгэхээр тэд нар хотруу орж хичээлээ хийх үү Утгагүй юм Юм хийсэн болох гэж арай л буруу зүтгэх юмаа
Яадаж салбар салбараар нь камп болгож болдоггүй юм уу

Avatar

mash zuw 2010-05-20 59.57.203.30

Ern ene Mongoliin ueiin ueiin zasgiin gazruudaas heregjuulj bui jinhene bodit jinhene dehiin jishigt hursen jinhene zuw shiidver gevel ene l bn da mash sain bn mash iheer demjij bn gol ni chanartai barilga barih heregtei mun surguuli bolgon niitiin guanz barij ugeh heregtei tuwlersen gdg bol achaalalaa daahgui bh tuwlersen bien tamiriin zaal nomiin san medeeleliin tuw baij bolno tgd oyutnii hothonii buh yumiig kartiin systemd shiljuuleh heregtei ergen toirond ni arhi dars hudaldaalahgui bar saw ajiluulahgui yamar goi haragdaj bn aa Ub hotiin achaalal mash iheer bagasan shuu ern UB giin niit hun amiin tal ni shahuu l oyutanuud shd mun ter odoo baigaa surguuliuudiin gazriig under uneer zarah heregtei surguuli bolgon neg neg bair ni l uldeh heregtei jishee ni MUIS-iin 1dugeer bair gedeg ch yum uu ter ni ene hotodoh uil ajillagaagaa erheldeg baij baih jisheetei

Avatar

Зочин 2010-05-20 202.170.85.9

хямдарнаМиний мэдэхээр зах ажилдаггүй өдөр түгжрэл 40-50 хувь бага байдаг

Avatar

Зочин 2010-05-20 202.170.85.9

зарцуулдаг том тэргээр хотын төв рүү түгжрэн мацахаа болиноЗүүн аймгийхан зүүн захаасаа мөн адилХОТыхон аль ойр зах руугаа явна бизИнгэвэл төвлрөл саарнаХоёр захруугаа төвөөс гадагшаа урсгалтай болноТэрэг түрдэг гэх мэт захаас хоолоо залгуулдаг олон хүмүүст ажлын байр нь ойртоноХотын төвд биш хотын захдаа юмны үнэ хя

Avatar

Зочин 2010-05-20 202.170.85.9

маш зөв гэхдээ газар нь арай л холдчхвуу даахонхор хавьд ямар байсан юм болОдоо энэ захуудыг Наран туулыг буулгаж УБ хотын баруун зүүн талд нэг нэг зах барилгын материалавто захтай нь төвлөрүүлж байгуулах хэрэгтэйБаруун аймгынхан баруун захаасаа юмаа аваад машин тэргээ янзалвал янзлаад ах дүү нартайгаа нийтийн тээврээр орж ирээд л уулзанаШатхуун их зарцу

Avatar

Зочин 2010-05-20 202.170.85.9

маш зөв гэхдээ газар нь арай л холдчхвуу даахонхор хавьд ямар байсан юм болОдоо энэ захуудыг Наран туулыг буулгаж УБ хотын баруун зүүн талд нэг нэг зах барилгын материалавто захтай нь төвлөрүүлж байгуулах хэрэгтэйБаруун аймгынхан баруун захаасаа юмаа аваад машин тэргээ янзалвал янзлаад ах дүү нартайгаа нийтийн тээврээр орж ирээд л уулзанаШатхуун их зарцу

Avatar

xxx 2010-05-20 188.221.172.60

shiwertiin hondii bhdaa yahaw de shiwertei oyutnuudiin tow camp kkkkk

Avatar

kkkk 2010-05-20 203.169.53.242

oyutan ohiduud buunduu neg gazar bnaa gedeg chini
hahahaha
akatai ochood l kkkk
chavhtai baagiinuud ungurchee

Avatar

Зочин 2010-05-20 202.170.85.15

Ганц ч гэсэн зөв юм хийж байна ашгүй дээ Camp хэлбэрээр их дээд сургуулиудаа нэг доор байрлуулах нь маш зөв санаа шүү

Avatar

Зочин 2010-05-20 182.160.44.92

dandaaa tegej shaaj gazar l abdag bzide

Avatar

11 2010-05-20 183.81.169.6

Ovooshdee ganz ch gesen iimerhuu yum hiivel zugeerdee

NewsMN Гар утасны хувилбар Татах
NEWS.mn

Мэдээллийн эх сурвалж