TB9 телевизийн 40 ажилтныг өөрсдийнх нь хүсэлтийн дагуу ажлаас халах тушаалыг өнгөрсөн пүрэв гаригт удирдлагын баг нь гаргасан билээ. Тус телевизийн Мэдээний албаны сэтгүүлч, сурвалжлагч, нийт зураглаачид уг шийдвэрт хамрагдан ажлаас халагдсан юм. Нийт ная гаруй ажилтан албан хаагчтай тус телевизийн тал хувь, тэр дундаа уран бүтээлчдийн гол цөм нь удирдлагын багийг өөрчлөх шаардлагыг тавьж, үүнийг хүлээн авах боломжгүй гэж үзвэл ажлаас халагдах хүсэлтэй байгаагаа өмнө нь мэдэгдээд байсан юм.

Тэгвэл TB9 телевизийн ажлаас халагдсан уран бүтээлч, сэтгүүлчид өнөөдөр 11.00 цагаас “Монгол ньюс” мэдээллийн төвд хэвлэлийн бага хурал хийхээр болжээ.