Өчигдөр нийт нутгаар цас орж, уулархаг газраар хүйтэрч хоносон ч зам даваа хаагдсан, малчид төөрсөн зэрэг цаг агаарын нөхцөл байдлаас шалтгаалсан хүндрэл, дуудлага ОБЕГ-т одоогоор ирээгүй байна. Орон нутаг болон нийслэлд обьектийн гал түймрийн нийт 20 дуудлага ирж, дуудлагын дагуу ОБЕГ болон харьяа байгууллагууд яаралтай арга хэмжээг авч ажиллажээ.

Цаг агаар хүндэрч болзошгүй аймаг, сумдын иргэд сонор сэрэмжээ алдахгүй, цаг агаарын урьдчилсан мэдээг цаг үргэлж, сонсч байхыг ОБЕГ-аас анхааруулж байна.