“Apple” компанийн өнгөрсөн есдүгээр сарын 26-наас эхлэн дэлхийн зах зээлд гарсан шинэ бүтээгдэхүүн болох “iPhone 5” олон сая хэрэглэгчдийн таашаалд нийцэж хамгийн эрэлттэй бүтээгдэхүүний тоонд ороод байгаа. Тэгвэл тус компани энэхүү бүтээгдэхүүний шинэчилсэн загвар “iPhone 5S”-ийг удахгүй хэрэглэгчдийн гарт хүргэнэ гэсэн мэдээллийг Хятадын  нэгэн олон нийтийн сайт саяхан мэдээлжээ.

Уг сайтад мэдээлснээр “iPhone 5S” шинэ загварын талаар дэлгэрэнгүй мэдээллийг энэ сард “Apple” албан ёоор олон нийтэд мэдээлнэ хэмээн дурьдсан бөгөөд 2013 оны эхний улиралд  энэхүү шинэчилсэн хувилбар гарах юм байна. Түүнчлэн энэ талаар мөн Америкийн “DigiTimes” өмнө нь мэдээлж байжээ.