МАХН-ын дарга Н.Энхбаярын өмгөөлөгч нар шүүхэд хандан Улсын дээд шүүхийн Эрүүгийн танхимын
шүүгч н.Эрдэнэбалсүрэн нарын дөрвөн шүүгчийг ашиг сонирхлын зөрчилтэй гэж үзэн
татгалзах хүсэлт гаргасныг шүүх бүрэлдэхүүн
хэлэлцэж байгаа талаар бид мэдээлсэн. Шүүх бүрэлдэхүүн уг хүсэлтийг хэлэлцээд
хүлээн авах боломжгүй гэж үзсэн байна. Гэвч Н.Энхбаярын өмгөөлөгч С.Нарангэрэл гадаадад
байгаа тул шүүх хурлыг хойшлуулж өгөөч гэсэн хүсэлтийг дахин гаргасан байна. Н.Энхбаяр
До.Чулуунбаатар, Ж.Мягмаржаргал, Д.Дуламсүрэн нарын дөрвөн хүнд холбогдох хэрэгт дөрвөн өмгөөлөгч ажиллаж
байгаа юм.