Bang & Olufsen (B&O) нь төгс боловсронгуй технологийг шохоорхол төрүүлэм сэтгэл хөдлөлтэй хослуулсан өвөрмөц онцлог бүхий дээд зэргийн телевиз, систем хөгжим, чанга яригч, телефон утас болон мультимедиа бүтээгдэхүүн үйлдвэрлэгч юм. 1925 оноос хойш нарийвчлал сайтай дууг бүтээхэд бүхий л анхаарлаа хандуулсаар ирсэн дэлхийн хэмжээний хүчирхэг брэнд аж. Дэлхий нийтээр олон сая хэрэглэгчдийн зочдын өрөөнд, ажлын байранд, тэр ч байтугай автомашинд хүртэл B&O өөрийн нэр алдрыг дуурсагасаар байдаг.

2012 оны 12 сарын 15-ны өдөр Bang&Olufsen брэндийн Монгол дахь албан ёсны“Grand Opening” болох гэж байгаа юм байна. Энэхүү дэлхийн брэндийн нээлт дэлхийн сонгодог урлагийн бүтээлээр Улсын дуурь бүжгийн эрдмийн театрт Дж.Верди, МУГЖ Э.Амартүвшингийн Риголетто дуурийн тоглолтоор нээгдэх аж. Дэлхийн томоохон хөгжмийн мэргэжилтнүүд, урлаг соёлын одод, чинээлэг эрхмүүд, дуучид гээд чанар болоод нэр хүндийг эрхэмлэгчдийн гэрт дуугардаг хөгжим хэрэгсэл, телевиз болон мултимедиа төхөөрөмжүүд Монголын салбар салбарын хүнд жингийн тоглогчдын гэрт очиход ойрхон болжээ.

Дэлхийн алдарт Benz, BMW, Audi, Austin Martin брэндийн үнэтэй хүлгүүдийн “sound system”-ийг зөвхөн Bang&Olufsen–оор тоноглосон хувилбарууд сүүлийн жилүүдэд хит болоод байна. Хамгийн сүүлийн үед үйлвэрлэгдэж байгаа автомашинуудын “sound system” нь ихэнхидээ B&O-оор тоноглогдож байгаа төдийгүй B&O томоохон брэндүүдтэй хамтарсан хөтөлбөрүүдийг олноор хэрэгжүүлдэг. Тун удахгүй Монголд ч бас энэхүү системээр иж бүрэн тоноглогдсон автомашин орж ирэх юм гэсэн.

B&O-ийн зөвхөн Оросын хөрөнгөтнүүдэд зориулсан хувилбар гэж байдаг. Цул алтан рамтай зурагтийг Оросын хөрөнгөтнүүд худалдан авдаг бөгөөд тусгай захиалгаар хийгддэг 103 инчийн зурагт нь үзэмж талаасаа үнэ цэнэтэй харагдаад зогсохгүй HD box, дэвшилтэт технологи агуулсан, өөрт байрласан гэрлийн сенсорын тусламжтайгаар дэлгэцийн нягтрал орчны гэрлээсээ хамааран өөрийгөө мэдэрч тодорч бүдгэрдэг, өрөөний багтаамж болон зайнаас шалтгаалан дууны дуугаралтыг 2/10 түвшнөөр дээрээс нь доош доороос нь дээш нь цацдагаараа гайхалтай цэвэр дугаралтыг бий болгож чаддаг аж. Хэлбэр дизайны хувьд дэндүү чамин, классик загвар, үнэтэй төгс хийц нь B&O-ийн нэрийн хуудас.


12 сарын 15-ны өдрийн сонгодог үдшийн нээлтэнд Монголын шинэ цагийн хөрөнгөтөн, өв залгамжлагчид, олны анхаарлыг татсан эрхмүүд бүгд шахуу цугларах юм гэсэн. Өмнө нь дуурийн тоглолтоор, тэр тусмаа сонгодог урлагтай аливаа нээлтийг хослуулж байсан тохиолдол Монголд байгаагүй. Шинэ жил дөхсөн 15-ны үдэш салбар бүртээ тэргүүлэгч, чансаатай эрхмүүд, тансаг чамин хатагтай нар дуурийн театрт цугларах нь.