Хятадын Ухань хотод болсон “Skoda cup” олон улсын тэмцээнд манай улсын  “CCN Mongolia” багийнхан багаараа түрүүлжээ. Багийн бүрэлдэхүүнд Спортын мастер Б.Марал-Эрдэнэ, Ж.Өлзийбаатар, А.Алтансүх, Т.Төгөлдөр, Э.Мөнхтулга нар багтсан бөгөөд тэднийг гавьяат тамирчин Ж.Өлзий-Орших дасгалжуулсан байна. Уг тэмцээнд Б.Марал-Эрдэнэ түрүүлж шар цамцны эзэн болсон. Харин Ж.Өлзийбаатар, А.Алтансүх нар мөнгө, хүрэл медалиар энгэрээ мялаав. Үүнээс өмнө манай дугуйчид хоёр тэмцээнд амжилттай оролцоод байсан билээ. Тэд одоо Хятадын Шинзэн хотод бэлтгэлээ базааж байгаа бөгөөд энэ сарын 17-22-нд Вьетнамын Ханойд болох “Tour of Vietnam 2012”  олон улсын “А” зэрэглэлийн олон өдрийн уралдаанд оролцох аж.