Эрчим хүчний зохицуулах хорооноос 2013 оноос эхлэн цахилгаан, дулааны үнийг нэмэхээр болсон талаар эх сурвалжууд мэдээллээ. Гэхдээ албаны хүний хэлснээр энэ тухай Шударга өрсөлдөөн, хэрэглэгчийн төлөө газарт албан бичиг хүргүүлээд байгаа бөгөөд уг хариуг харж байж үнэ нэмэх асуудлыг холбогдох байгууллагууд ярилцах ажээ.

Төлөвлөж байгаагаар бол он гараад дулааны үнэ одоогийнхоос 20 хувь, цахилгааны үнэ 15 хувиар нэмэгдэх бололтой. Цахилгааны үнийн тухайд, айл өрхийн хэрэглээ 150 кв.цагаас илүү гарсан тохиолдолд 15 хувиар нэмэгдсэн үнэ төлөх бололтой. Эрчим хүчний салбар 44.8 тэрбум төгрөгийн алдагдалтай байгаа хэмээн үнэ нэмэх болсон шалтгаанаа тайлбарлаж байна.