Нэрт жааз хөгжимчин, хөгжмийн зохиолч Дэйв Брубек 91 насандаа таалал төгсчээ. Тэрээр “Take Five” “Blue Rondo a la Turk” нэртэй жааз хөгжмийн цомгуудаар дэлхийн олон мянган хөгжим сонирхогчдын танил болсон юм. Дейв Америкийн зүүн хойд хэсэг дэх Коннектикутийн эмнэлэгт хэвтэн эмчлүүлж байгаад зүрхний дутагдлын улмаас амьсгал хураасан хэмээн түүний хэвлэлийн төлөөлөгч нь өчигдөр  мэдэгджээ. 

 Дэйв Брубек амьдралынхаа туршид нийт 250 жааз хөгжим бичиж дэлхийн сонгодог хөгжимд үнэтэй хувь нэмэр оруулсан хэмээн дэлхий хөгжмийн ертөнцөд хүлээн зөвшөөрөгддөг авъяаслаг уран бүтээлч байсан юм. Тэрээр АНУ-ын сонгодог хөгжмийн урлагийг хөгжүүлэх үйлсэд үнэтэй хувь нэмэр оруулсан хэмээн үнэлэгдэж Ерөнхийлөгч асан Жон Кеннедегийн нэрэмжит хүндэт шагналыг одоогийн Ерөнхийлөгч Барак Обамагаас гардан авч байжээ. Түүнчлэн тэрээр дэлхийн сонгодог хөгжмийн ертөнцийн “Connecticut Arts Award”-аас эхлээд хэд хэдэн томоохон шагналыг хүртэж байжээ.