МАХН-ын дарга Н.Энхбаярын биеийн байдлын талаар Улсын клиникийн II эмнэлгийн эмч нар өнөөдөр МАХН-ын байранд 11.00 цагаас мэдээлэл хийхээр болжээ. Түүнийг Цагдан хорих 461 дүгээр ангиас гэнэт бие нь муудсан гэх шалтгаанаар өнгөрсөн наймдугаар сарын 20-нд тус эмнэлэгт хүргэсэн юм. МАХН болон Н.Энхбаярын гэр бүлийн зүгээс түүнийг олон хоног өлсгөлөн зарласан тул бие организмд нь өөрчлөлт орж, онош нь мэдэгдэхгүй өвчин туссан гэж мэдээлж байгаа.

Сануулахад, Н.Энхбаяр болон До.Чулуунбаатар, Ж.Мягмаржаргал, Д.Дуламсүрэн нарын дөрвөн хүнд холбогдох хэргийг хяналтын шатны шүүх хурал маргааш Улсын дээд шүүхийн Эрүүгийн танхимд  болно.