Индонезийн нийслэл Жакарта хотын төв талбайд дүрэмт хувцсаа сольж, спорт хувцас өмссөн цагдаа нар цугларч, дасгал сургуулилт хийжээ. Жакартагийн Цагдаагийн газрын хэвлэлийн төлөөлөгчийн мэдээлснээр эдгээр цагдаа нар бүгд илүүдэл жинтэй буюу ихэнх нь 100 кг-аас дээш жинтэй гэнэ. Сүүлийн үед хөдөлгөөний дутагдлаас болж таргалалт ихэссэнтэй холбоотой цагдаа нар долоо хоногт хоёр удаа ийнхүү нийтээр дасгал хийж байхаар болжээ.

Өнөөдөр л гэхэд Жакарта хотын төв талбайд 400 гаруй цагдаагийн ажилтан цугласан гэнэ. Өнгөрсөн сард мөн ийм төрлийн арга хэмжээ зохион байгуулахад 1470 цагдаагийн ажилтан хамрагджээ.