“Хос сүх” метал рок хамтлаг энэ сарын 7-нд “Hanzo lounge & night club”-т 19.00 цагт ээлжит тоглолтоо тавих гэж байна. Тус хамтлаг нь Death, Trash метал рок урсгалаар тоглодог цөөн хамтлагуудын нэг юм. Тэднийг  “Six feet under”, “Bloodbath”, “Cannibal corpse”, “Kataklysm”, “Sepultura” зэрэг хамтлагуудыг коверлон тоглодгоор нь рок сонирхогчид андахгүй билээ.  “Хос сүх” хамтлагийнхан “Playtime”, “NisNis festival”, “Season” 1, 2, 3 тоглолтуудад жил бүр оролцдог бөгөөд “С1” телевизийн “Их завсарлага”-д амьд тоглолтоо толилуулж, хамтлагийн экс гишүүн асан Хангайд зориулан “Tribute to Hangai” зэрэг тоглолт хийж байсан билээ. Тэд энэ удаад рок сонирхогчдыг нэгтгэн “Тэнгис” кино театр, “Victory” төвийн баруун талд байрлах  “Hanzo lounge & night club”-т метал рокоор амьсгалуулах нь.