Монгол Улсын Шадар сайд, МАХН-ын дэд дарга Д.Тэрбишдагва дөнгөж сая сэтгүүлчдэд мэдээлэл хийлээ. Өнгөрөгч даваа гаригт харуй бүрий болтол хуралдсан МАХН-ын Гүйцэтгэх товчооны хурлаар шинэчлэлийн Засгийн газраас гарах шийдвэр гаргасан. Гэхдээ МАХН нь УИХ-ын 2012 оны сонгуульд МҮАН-тай хамтран “Шударга ёс” эвсэл байгуулж, өрсөлдсөн. Тиймээс Засгийн газраас гарах асуудлаар МАХН өдгөө МҮАН-тай хэлэлцээний ширээний ард сууж байна гэлээ. Хэлэлцээ хэрхэхээс хамаарч маргааш МАХН-ын дэд дарга Д.Тэрбишдагва УИХ дахь “Шударга ёс” эвслийн бүлгийн дарга Н.Батцэрэгийн хамт албан ёсоор мэдээлэл өгнө, тиймээс одоогоор дэлгэрэнгүй мэдээлэл өгөх боломжгүй гэв.