Хятадын өмнөд хэсэгт орших нэгэн оёдлын үйлдвэрт өнгөрсөн шөнө буюу орон нутгийн цагаар 3.30 цагт гал гарсны улмаас 14 хүн амиа алдсан хэрэг гарчээ. Албаны эх сурвалжийн мэдээлж байгаагаар уг үйлдвэр нь Гуандун мужийн Шаньтоу хотод оршдог гэнэ. Галд түлэгдсэн хүмүүсийг хотын эмнэлэгт хүргээд байгаа юм байна.

Шаньтоу хотын “Нанфань Дейли Ньюс”-ийн мэдээлж байгаагаар үйлдвэрийн гал гарсан онцгой бүст 84 аврах ангийн ажилтан ажилласан байна. Амиа алдсан хохирогчид бүгд 18-20 насны эмэгтэйчүүд байсан аж. Үйлдвэрийн галын шалтгааныг цагдаа нар мөрдөн шалгаж байгаа гэнэ. Ажилчид гал гарах үеэр үйлдвэрийн хаалга түгжээтэй байсан нь ийнхүү олон хүн амиа алдахад хүрсэн хэмээн мэдээлжээ.