Монголын үндэсний бөхийн холбооноос Хэнтий аймгийн БТСГ, бөхийн холбоотой хамтран үндэсний бөхийн тайлбарлагчдын ур чадварыг сорих тэмцээн зохион байгуулах гэж байна. Тэмцээн арванхоёрдугаар сарын 20, 21-нд Хэнтий аймагт болно. Ингэхдээ гурван үе шаттай явагдах ажээ. Үүнд, үндэсний бөхийн түүх, ёс жаягийн талаарх мэдлэг, хоолойн өнгө; бөхийн цол дуудах, авьяас; үндэсний бөхийн мэхний мэдлэгийн төвшин, бөх тайлбарлалт гэсэн сорилууд багтсан байна.

Тэмцээний шилдэг есөд шалгарсан тайлбарлагчдаар үндэсний бөхийн барилдаан тайлбарлуулах ажээ.