Монгол Улсын Ерөнхий сайд Н.Алтанхуяг Шанхайн хамтын ажиллагааны байгууллагын Засгийн газрын тэргүүн нарын уулзалтад оролцохоор  өнөөдөр Бүгд Найрамдах Киркиз улсыг зорилоо.

Маргааш буюу 12 дугаар сарын 5-ны лхагва гаригт Шанхайн хамтын ажиллагааны байгууллагын Засгийн газрын тэргүүн нарын өргөтгөсөн хуралдаан болох бөгөөд энэ хуралд Ерөнхий сайд оролцох юм. Энэ өдөр Ерөнхий сайд Н.Алтанхуяг ОХУ-ын Засгийн газрын дарга Д.А.Медведев, БНХАУ-ын Төрийн зөвлөлийн Ерөнхий сайд Вэнь Зябао, Бүгд Найрамдах Киргиз улсын Ерөнхий сайд Ж.Сатыбалдиев нартай уулзах юм.

Ерөнхий сайд Н.Алтанхуяг 12 дугаар сарын 6-ны пүрэв гаригт эх орондоо ирнэ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.