Татварын ерөнхий газрын Татвар хураалтын хэлтэс Монгол Улсын татварт нэг ч төгрөг төлдөггүй компаниудыг нэрлэсэн. Энэ компаниудын дунд “Бүтээгдэхүүн хуваах гэрээ” гэдгээр хаацайлан татвар төлдөггүй “Петрочайна Дачин Тамсаг” компанийг нэрлэж байсан юм. Дорнод Монголын талыг нефтиэр будаж, хөрсийг нь сүйдэлж байгаа “Петрочайна Дачин Тамсаг” өдөрт 40-60 цистерн газрын тосны бүтээгдэхүүн урд хил рүү гаргадаг мөртлөө ашгаасаа манайд хүртээдэггүйг батлах хүмүүс олон бий.

Тэгвэл энэ компанийг хаацайлагч нэгэн эрхэм төрийн албыг түшилцэж байна. Төмөр замд байхдаа 3 төгрөгөөр шахдаг байсан түлшийг 10 төгрөг болгон ашиг олж байсан УИХ-ын гишүүн С.Одонтуяагийн гэр бүлийн хүн болох Г.Өлзийбүрэн өдгөө Уул уурхайн яамны харьяа Газрын тосны газрын даргын үүрэг гүйцэтгэгчээр ажиллаж байгаа. Түүний хийсэн эхний худал мэдэгдэл нь “Шатахууны улсын нөөц хангалттай, үнэ нэмэхгүй” гэсэн мэдээлэл байв.