Найруулагч Билл Кондоны 131.5 сая ам.доллараар бүтээсэн цус сорогч, хүн чононуудын тухай өгүүлсэн алдарт бүтээл “The Twilight Saga: Breaking Dawn – Part 2” энэ долоо хоногийн байдлаар нийт 158.7 евро буюу 254.6 сая ам.долларын ашиг олсноор Хойд Америкийн “Box office”-ийг гурав дахь долоо хоногтоо тэргүүлээд байна. Энэхүү кино нь өнгөрсөн долоо хоногт л гэхэд 10.8 сая евро буюу 17.4 сая ам.долларын ашиг олжээ.

Жагсаалтын хоёрдугаарт найруулагч Сейм мендесийн нууц тагнуулч  Жеймс Бондын тухай өгүүлэх “Skyfall” энэ долоо хоногийн байдлаар 10.6 сая евро  буюу 17 сая ам.доллар олж бичигдсэн байна. Стивен Спилбергийн найруулсан жүжигчин  Дэниел Дэй-Льюсийн гол дүрд нь тоглосон түүхэн кино болох “Lincoln” 13.5 сая ам.долларын ашиг олсноор гуравдугаарт бичигдсэн бол найруулагч Петер Реймсигийн “Rise of the Guardians” 13.5 сая ам.доллар олсноор  дөрөвдүгээрт орсон байна.

Тавдугаарт найруулагч Энг Лигийн “Life of Pi” 12 сая ам.доллар олсноор топ тавд шалгарчээ. Харин холливудын нэрт жүжигчин Брэд Питийн тоглосон “Killing Them Softly” нээлтээ хийснээсээ хойш дөнгөж 4.4 сая евро буюу долоон сая ам.долларын ашиг олсон аж. Өнгөрсөн долоо хоногийн ашиг орлогоороо тэргүүлсэн шилдэг таван киног танилцуулъя.

1. The Twilight Saga: Breaking Dawn – Part 2 – 17.4 сая ам.доллар
2. Skyfall – 17 сая ам.доллар
3. Lincoln -13.51 сая ам.доллар
4. Rise of the Guardians -13.5 сая ам.доллар
5. Life of Pi -12 сая ам.доллар тус тус олжээ.