Америкийн электрон бараа үйлдвэрлэгч “SOL Republic” компани “Tracks HD” шинэ чихэвч үйлдвэрлэсэнээ мэдэгджээ. Тус компанийн энэхүү шинэ чихэвчийн нүүр царайгаар Бээжин, Лондоны олимпын аварга усанд сэлэлтийн нэрт тамирчин Майкл Фэлпс сонгогдон компанитай гэрээ хийсэн байна. Фэлпсийн тоглосон уг чихэвчний реклам нь тэрээр усанд сэлэлтийн уралдаан нь эхлэхээс өмнө “Tracks HD” чихэвчээр хөгжим сонсож байгаагаар гардаг аж.

Залуусын хэрэглээнд зориулсан уг чихэвч нь улаан, цагаан, цэнхэр гэсэн өнгөний сонголттойгоос гадна цэвэр дугаралттай гэдгээрээ онцлог аж. Майкл уг рекламнаас олсон ашгаа өөрийн нэрээр нэрлэгдсэн “Michael Phelps” санд хандивлах юм байна. Фэлпс энэхүү чихэвчийг сурталчлах саналыг дуртайяа хүлээн авсан бөгөөд энэ үеэр тэрээр “усанд сэлэлт бол миний спорт харин хөжим бол миний амьдрал” хэмээн ярилцлага өгсөн байна. Мөн Фэлпс би тэмцээн, уралдаанд орохоос өмнө үргэлж хөгжим сонсож өөрийгөө тайвшруулдаг хэмээн ярьжээ.”Tracks HD” чихэвчний үнэ  149.99 ам доллар юм байна.