Испанийн хаан Хуан Карлос ташаандаа мэс засал хийлгэн, есөн өдөр эмнэлэгт хэвтсэн,  өчигдөр эмнэлэгээс гарчээ. Тэрээр өнгөрсөн дөрөвдүгээр сард Ботсванад заан агнаж яваад ташаандаа гэмтэл авч өнгөрөгч арваннэгдүгээр сарын 23-нд  мэс  засал хийлгэсэн байна. Энэ нь түүний хувьд  энэ жил хийлгэж байгаа гуравдахь удаагийн мэс засал нь болж байгаа аж. Хуан Карлос өнгөрсөн сарын дундуур Испанид болсон Латин Америкийн 22 дугаар дээд хэмжээний уулзалтанд эрүүл мэндийн шалтгаанаас болоод оролцож чадаагүй гэнэ.

Тэрээр Ботсванагийн  хойд хэсэг дэх Окавангод заан агнахаар яваад бэртэл авсан бөгөөд түүнийг улс  оронд нь  ажилгүйдэл, ядуурал газар авч байгаа үед зугаа цэнгэл хөөлөө хэмээн тус улсын сөрөг хүчнийхэн  ихээхэн буруутгаж байсан юм.