Аймаг, сум, дүүргийн ИТХ-ын сонгуулийн сонгогчдын ирц хүрээгүй мөн санал тэнцсэн зарим хэсэгт арваннэгдүгээр сарын 30, арванхоёрдугаар сарын 1-ний өдөр дахин санал хураалт явуулсан билээ.

Энэ талаарх мэдээллийг Сонгуулийн ерөнхий хорооны дарга Ч.Содномцэрэн өнөөдөр сэтгүүлчдэд өглөө. Нийслэлийн зургаан дүүргүүдийн 149 хороонд болсон дахин сонгуулийн дүнг танилцуулбал, 

Баянзүрх	41 суудлаас	МАН 7	АН 32	МАХН 2
Хан-Уул	35 суудлаас	МАН 4	АН 29	МАХН 2
Чингэлтэй	35 суудлаас	МАН22	АН 11	МАХН 2
Сүхбаатар	35 суудлаас	МАН 15	АН 19	МАХН 1
Баянгол	41 суудлаас	МАН 9	АН 30	МАХН 2
Сонгинохайрхан	41 суудалтай	МАН 22	АН 17	МАХН 2

суудалтай болжээ.

Мөн Дархан-Уул аймгийн Дархан сумын ирц хүрээгүй 15 дугаар багийн 26, 27-р хэсэг, Хонгор сумын ирц хүрээгүй 34 дүгээр хэсэгт дахин санал хураалт явагдсаны дүнд  тус аймгийн 33 суудлаас МАН-18,  АН-11,  МАХН-МҮАН “Шударга ёс” эвслээс -2,  бие даагч-2 суудал авсан байна.

Орхон аймагт ирц хүрээгүй Баян-Өндөр сумын Рашаант баг, Эрдэнэ баг, мөн санал тэнцсэн  Жаргалант сумын Улаантолгой багт дахин санал хураалт явуулжээ.  Үүний дүнд  Орхон амйгийн 31  суудлаас  МАН-10, АН-19,  МАХН-ИЗНН "Иргэний шударга ёс” эвслээс 2 суудал тус тус авсан байна.