Энхийг сахиулах ажиллагаанд УИХ хяналт тавина | News.MN

Энхийг сахиулах ажиллагаанд УИХ хяналт тавина

Хуучирсан мэдээ: 2010.05.20-нд нийтлэгдсэн

Энхийг сахиулах ажиллагаанд УИХ хяналт тавина

УИХ-ын  чуулганы өнөөдрийн нэгдсэн хуралдаанаар  олон хуулийг шууруулан баталж байна. Энхийг дэмжих ажиллагаанд оролцох тухай, Цэргийн албан хаагчийн тэтгэвэр, тэтгэмжийн тухай хуульд өөрчлөлт оруулах тухай, Зэвсэгт хүчний тухай хуульд өөрчлөлт оруулах тухай, Засгийн газрын тусгай сангийн тухай хуульд өөрчлөлт оруулах тухай, Монгол Улсын иргэний цэргийн үүргийн болон цэргийн албан хаагчийн эрх зүйн байдлын тухай хуульд өөрчлөлт оруулах тухай, Батлан хамгаалах тухай хуульд өөрчлөлт оруулах тухай, Галт зэвсгийн тухай хуульд өөрчлөлт оруулах тухай, Монгол Улсын Засгийн газрын тухай хуульд өөрчлөлт оруулах тухай хуулийн төслүүдийн анхны хэлэлцүүлгийг хийж гишүүдийн горимын саналын дагуу анхны хэлэлуүүлгээр нь баталлаа.
УИХ-ын  гишүүн Р.Амаржаргал, Я.Батсуурь, Х.Жекей, Ц.Шинэбаяр, З.Энхболд нарын эдгээр хуулийн төслийг санаачлан боловсруулжээ. Гишүүд хуулийг батлахын өмнө зарчмын зөрүүтэй саналуудаа илэрхийлэн ажлын хэсгийн гишүүдээс хариулт авсан юм. Гишүүн Ц.Мөнх-Оргил энхийг сахиулах үйл ажиллагаанд оролцож буй бие бүрэлдэхүүнийг амь нас, эрүүл мэнд, гэнэтийн ослын даатгалд заавал хамруулсан байх, Монгол Улсын зэвсэгт хүчний дүрэмт хувцас, цолны болон ялгах тэмдэгтэй оролцох гэсэн саналууд гаргасныг гишүүд дэмжиж хуульд тусгахаар боллоо. Гишүүн С.Оюун, Я.Батсуурь нар Үндэсний аюулгүй байдлын зөвлөлийн шийдвэрийг үндэслэн энхийг сахиулах үйл ажиллагаанд оролцуулах гэснийг УИХ-ын шийдвэрийг үндэслэн гэж өөрчлөх гэсэн санал гаргасан ч татаж авлаа.  
УИХ-ын гишүүн Ө.Энхтүвшин энхийг сахиулах ажиллагаанд оролцуулахаар бэлтгэсэн  хүчнийг нийтийн эмх замбараагүй байдал дэгдсэн үед түүнийг зохицуулуулах ажилд татан оролцуулж байсан явдал манайд бий. Үүнийг ямар хуулиар зохицуулж байгаа юм бэ хэмээн асуусан юм. УИХ-ын Аюулгүй байдал, гадаад бодлогын байнгын хорооны дарга З.Энхболд энэ нь хэлэлцэж байгаа асуудалд хамаагүй тул байнгын хороон дээр яриагүй. Энхийг сахиулах НҮБ-ын мандаттай холбоотой хуулийн төслийг  хэлэлцэж байна. Харин Ө.Энхтүвшин гишүүний асуулт нь  Онц байдлын тухай болон  Дайны байдлын тухай хуулиар зохицуулагдана гэлээ.
УИХ-ын гишүүн Ц.Сэдваанчиг ”Харж байхад Засгийн газарт энхийг сахиулах үйл ажиллагаанд хяналт тавих эрхийг шилжүүлээд  УИХ хянах боломжгүй болсон мэт харагдаж байгаа. Олон улсын Парламентын холбооноос гаргасан зөвлөмжөөр бол энхийг сахиулах үйл ажиллагаанд УИХ хяналт тавихаар хуульчилж өгөх нь зүйтэй гэж тусгасан байгаа” гэж байв. З.Энхболд гишүүний хариулснаар бол УИХ-ын зэвсэгт хүчинд тавих  хяналтын талаар  бусад  холбогдох хуулиудад тодорхой тусгажээ. Ийнхүү Зэвсэгт хүчинтэй холбоотой багц хуулиудыг өнөөдөр баталж гараас гаргалаа.

Д.ОЮУН

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

2003 LEXUS LX 470 2010-05-20 203.91.117.3

2010 ONI 05-07 ND AMERIKAAS IRSEN MONGOLD YAWAAGUI BGAA 2003 ONII TSAIVAR NOGOON TUYATAI ONGIIN LEXUS LX 470 ZARNA MASH TSEMBEGER ONGO UZEMJ SAIN 99939396 95007010 91612268

Avatar

Зочин 2010-05-20 202.180.218.13

ШВEИЦАРь улсад vйлдвэрлэсэн спиртэн Д буюу спиртэн суурьтай витамин Д3 зарна урьдчилан сэргийлэх болон эмчилгээний зориулалтаар хэрэглэнэ урьдчилан сэргийлэх зорилгоор хvvхдэд 2-5 долоо хоногтойгоос нь эхлэн 1нас хvртэл н уулгаснаар рахит євчнєєр хэзээ ч євчлєхгvй єдєрт 4 дуслаар уух шингэнд нь юмуу хоолонд нь дусааж өгнө дангаар нь өгч болохгүй Д витамины дутагдалд орж рахит болсон бол 5 дуслаар єгнє витамин дараах тохиолдолд хэрэглэнэ – бага насны хvvхдийн ясны зєєлрєлт сийрэгжилтЖнь хєл майг болох хөлрөх шүд нь ургахгүй байх үс унах гм-ээс урьдчилан сэргийлэхэд – рахитын бvх хэлбэрийн євчнийг эмчлэхэд 1шилийг 3-4 cap ууна 20000тєгрєг yтac99975275 рахит өвчний тухай дэлгэрэнгүй мэдээллийг дараах хаягаар авч болно wwwasuultnet

Avatar

sayiig ugii 2010-05-20 180.235.168.133

12×17 hemjeetei gar hatgamal chingiss khaanii hurug zarakh buyu borluulj chadakh khuntei hamtran ajillana bilguun_t88yahoocom oor kholboo barina uu

NewsMN Гар утасны хувилбар Татах
NEWS.mn

Мэдээллийн эх сурвалж