Гишүүдийн ирц гүйцэхгүй байгаагийн улмаас чуулганы хуралдаанаа шинэ долоо хоног хүртэл хойшлуулаад байгаа УИХ-ын хийх ажлын төлөвлөгөө гарчээ. Хэрэв парламентын гацаа арилбал хоёр парламент дамжаад байгаа Хэвлэл, мэдээллийн эрх чөлөөний тухай хуулийн төсөл, Эрүүгийн хуульд нэмэлт оруулах тухай хуулийн төслүүд шинэ долоо хоногийн хэлэлцэх асуудлын төлөвлөгөөнд ороод байна.

Мөн МАН-ын төлөөллийн гишүүд ирэх долоо хоногт бүлэгтэй болж магадгүй байна. УИХ-ын тухай хуульд нэмэлт, өөрчлөлт оруулах тухай, УИХ-ын чуулганы хуралдааны дэгийн тухай хуульд нэмэлт, өөрчлөлт оруулах тухай Монгол Улсын Ерөнхийлөгчийн өргөн мэдүүлсэн хуулийн төслүүдийн анхны хэлэлцүүлгийг Төрийн байгуулалтын байнгын хороогоор хэлэлцүүлэхээр болжээ.

ДОХ-оос сэргийлэх тухай хуулийн төслийг хэлэлцэж амжилгүй ДОХ-той тэмцэх дэлхийн өдрийг өнгөрөөсөн УИХ ирэх долоо хоногт энэ хуульд “салхи” оруулах нь.