Хан-Уул дүүргийн долоон хэсгийн хороонд дүүргийн ИТХ-ын төлөөлөгчийг сонгох дахин санал хураалт хэвийн үргэлжилж байна. Дүүргийн Сонгуулийн хорооноос гаргасан 17.00 цагийн ирцийн мэдээгээр 3392 сонгогч саналаа өгсөн байлаа. Энэ нийт санал хураалтад оролцох ёстой 17683 сонгогчийн 19.18 хувь нь саналаа өгсөн гэсэн үг аж.

Хан-Уул дүүргийн хувьд 35 мандаттай, үүнээс 23 төлөөлөгч нь хорооноос, 12 нь намын жагсаалтаар тус бүр сонгогдох ёстой. Сонгогчдын саналын хувь хүрсэн хэсгийн хорооны мэдээллийг нэгтгэхэд 12 мандатын долоо нь Ардчилсан нам, гурав нь МАН-д, хоёр нь МАХН-д тус бүр ногдож байгаа. Харин энэ удаагийн дахин санал хураалтаар үлдэж байгаа мандатыг аль нам авах нь тодорхой болох ёстой юм.