Хаа сайгүй шинэ жилийн уур амьсгал ороод бүгд л гэгэлгэн, цаанаа л нэг баяртай болдогсон. Яг нь энэ мөчийг хэлж буй мэт залуу дуучин Л.Солонго “Сэрээч сэтгээч” гэсэн залуучуудыг урин дуудсан сайхан дуугаа үзэгчдэд өргөн бариад байна. “Сэрээч сэтгээч” дуууны үгийг яруу найрагч М.Хүрэлсүх, аяыг СТА М.Туяа зохиосон юм байна.

Шинэ жилийн үдэшлэг дээр таалагдсан бүсгүйгээ урин бүжиж, сайхан залуугийн сэтгэл зүрхийг урин дуудмаар сайхан үгтэй нэгэн шинэ дууг хүргэж буй залуу дуучин Л.Солонго хамгийн сүүлд Ардын жүжигчин А.Долгортой хамтран “Аминаас үнэтэй монгол” хэмээх сайхан уран бүтээлээрээ үзэгч олны сонорыг мялааж байсан билээ.