Попын хатан хаан Уитни Хьюстоны охин Бобби Кристина өнгөрсөн лхагва гаригт авто машины осол  гаргасан талаар эх сурвалжууд  мэдээлжээ. Цагдаа нарын TMZ-д мэдээлснээр тэрээр лхагва гаригт “Camaro” машин унаж яваад Жоржиа мужийн “Alpharetta” хот дахь гэрийнхээ ойролцоо замын хашлага мөргөсөн ч  аз болоход биедээ гэмтэл аваагүй байна.

TMZ-д мэдээлснээр Бобби Кристина энэ сард гурав дахь удаагаа зам тээврийн осол гаргаж байгаа нь энэ юм байна. Өмнө нь тэр энэ сарын эхээр сүйт залуу Ник Гордоны “Camaro” машинтай явж байгаад мөн машинтай мөргөлдөж, зам тээврийн зөрчил гаргаж байсан. Цагдаа нарын мэдээлж байгаагаар Кристина зөрчил гаргах үедээ согтууруулах ундаа хэрэглээгүй байсан хэмээн мэдээлж байгаа ажээ.