Хэдийгээр СЕХ-ноос УИХ дахь МАХН-МҮАН-ын “Шударга ёс” эвслийн бүлгийн 11 дэх гишүүнээр Ц.Оюунбаатарыг баталгаажуулж Монгол Улсын Ерөнхийлөгчид айлтгаад таван сар шахам болж байгаа ч түүний тангаргийг өргүүлэлгүй өдий хүрээд байна.

Яагаад түүний тангаргийг өргүүлэхгүй байгаа талаар МАХН-ын Ерөнхий нарийн бичгийн дарга Г.Шийлэгдамба тайлбарлахдаа” Ц.Оюунбаатар бол “Шударга ёс” эвслээс жагсаалтаар нэр дэвшигчдийн 10 дугаарт байгаа хүн. Гэтэл нэгдүгээрт жагссан Н.Энхбаяр, зургаадугаарт жагссан Э.Батшугар нарын асуудал байгаа. Нэг, зургаад жагссан хоёр хүн байхад 10-т жагссан Ц.Оюунбаатар арай болоогүй” гэж байв. Тэгэхээр Ц.Оюунбаатараар тангараг өргүүлэх асуудлыг МАХН-ынхан дэмжихгүй байгаа ажээ.