УИХ-ын чуулганы нэгдсэн хуралдааныг өнөөдөр хийхээр зарлаад байсан ч АН-ын бүлгийн 23 гишүүн ирж бусад гишүүд ирсэнгүй. Ингээд УИХ-ын дарга З.Энхболд өнөөдөр хуралдаан хийх боломжгүй болсныг мэдэгдэж, чуулганы хуралдааныг цуцаллаа. Гадаад, дотоодод томилолттой хэд хэдэн гишүүн байгаа аж.

З.Энхболд дарга хуралдааныг шалтгаангүй тасалсан гишүүдийн нэрийг уншиж сонсгов. С.Батболд, Су. Батболд тэргүүтэй МАН-ын төлөөллийн гишүүд болон “Шударга ёс” эвслийн бүлгийн Д.Тэрбишдагва, Л.Цог, Г.Уянга, З.Баянсэлэнгэ, ИЗНН-ын С.Оюун, С.Дэмбэрэл гээд 20 гаруй гишүүн хуралдааныг шалтгаангүй тасалсныг уншин сонсгон, дараагийн долоо хоногт чуулганы хуралдааныг ямар нэг тасалдалгүй явуулахыг эрхэм гишүүдэд сануулав.