МАН-ын Удирдах зөвлөл өчигдөр хуралдаж, орон нутгийн сонгуулийн үйл явцын талаар хэлэлцжээ. Ингэхдээ орон нутгийн сонгуульд ялалт байгуулсан аймгууддаа залуучуудаа дэмжиж, Засаг даргад нэр дэвшүүлэхээр болсон байна. Одоогоор тодорхой болоод байгаа мэдээллээр Хөвсгөл аймгийн Засаг даргад “Лидер кашмер” компанийн захирал Л.Ганболдыг, Дорнод аймгийн Засаг даргад н.Бадамсүрэнг тус бүр нэр дэвшүүлэхээр болж, Ерөнхий сайдад уламжлахаар болжээ. Сонгуулийн ерөнхий хорооноос гаргасан мэдээллээр МАН энэ удаагийн орон нутгийн сонгуульд есөн аймагт олонхи болоод буй. Үүнээс хоёрынх нь Засаг даргад нэр дэвшигчдийн нэр ийнхүү тодорхой болоод байна.

Мөн хуралдаанаар хэлэлцсэн хоёр дахь асуудал нь МАН-ын удирдлагууд дүүргийн Засаг дарга нарт хариуцлага тооцох ёстой гэж үзжээ. Үүнд Баянгол, Сонгинохайрхан, Чингэлтэй, Сүхбаатар дүүргийн Засаг дарга нар багтаж байна.