“Хүний хөгжил сан” гэх мөнгө түгээдэг нэг сайхан газар байлаа. Иргэн бүр нэг дэвтэртэй, түүгээрээ сар бүр 20 мянган төгрөг авдаг байсныг бүгд мэднэ. Бас хотоос гарах болон ороход зорчигчид 500 төгрөгийн татаасыг Нийслэлийн гурван товчоон дээр байнга хураалгадаг билээ. Тэр хаана төвлөрч, түүгээр юу хийдэг нь тодорхойгүй юм.

Түүнээс гадна “Нарантуул”, “Хархорин” зэрэг томхон захууд, худалдааны төвүүдээр орж, гарахдаа 50 төгрөг хураалгадаг байсныг харин О.Магнай дарга болиулах шив. Тэр ч хаана очдог нь тодорхойгүй “хий” мөнгө байжээ.

Тэгвэл “Замын-Үүд хөгжил сан”-гийн гэх түүгээр орж, гарсан хүмүүсээс хураадаг 1000 төгрөг гэж бас байгаа юм. Сүүлийн үед зорчигчид өгөхөөсөө өгөхгүй нь их болжээ. Аргагүй биз. Албан ёсны эсэх, зориулалт болон шалтгаан нь тодорхой бус, хувь хүний бизнесийн чанартай зүйлийг шалгаж нэг тийшээ болгох хэрэгтэй байх аа.