Америкийн “Athletes in Action” байгууллагын сагсан бөмбөгийн мэргэжилтэн, дасгалжуулагч нар “Хасын хүлгүүд” сагсан бөмбөгийн клубын урилгаар манай улсад иржээ. Тэд Монголд үйл ажиллагаа явуулдаг ерөнхий боловсролын сургуулийн сагсан бөмбөгийн багш болон сонирхогчдын багуудын дасгалжуулагч нарт тав хоногийн сургалт явуулахаар болсон байна. Уг сургалтыг Монголын сагсан бөмбөгийн холбоотой хамтран зохион байгуулж байгаа бөгөөд суралцагчдад гэрчилгээ, үнэмлэх олгох юм байна.

Ирэх сарын 10-15-нд болох сургалтын үеэр гарын авлага, DVD, CD тараах материал өгөх  аж. Монголын сагсан бөмбөгийн ирээдүй хойч үед маань зааж сургах багш дасгалжуулагчдын мэргэжил ур чадварыг дээшлүүлэх боломж олдож байгаа нь сайшаалтай.