Хятадад энэ сарын байдлаар Түвдийн 12 иргэн эрх чөлөө, тусгаар тогтнолынхоо төлөө тэмцэж, зулын гол болж амиа золиосолсон хэмээн Хятад дахь Түвдийн хөдөлгөөнөөс мэдээлжээ. Сүүлийн үед Түвдийн ард түмний сэтгэлийг эмзэглүүлсэн энэ харамсалтай хэрэг улам газар авч байгаад тэдний зүгээс Хятадын Засгийн газрыг буруушаасан байна.

2009 оноос хойш өдгөө хүртэл өөрийгөө зулын гол болгож, амиа золиосолсон иргэдийн тоо 86-д хүрчээ. Сүүлийн үед Хятад болон Энэтхэгт амьдардаг түвдүүд эсэргүүцлээ илэрхийлж, жагсаал цуглаан зохион байгуулах нь ихэссэн байна. Өнгөрсөн даваа гаригт гэхэд л Хятадын Циньхай мужийн оюутнууд жагсаал зохион байгуулсан бөгөөд лхагва гаригт жагсаалаа үргэлжлүүлжээ. Гэхдээ өдийг хүртэл Хятадын Засгийн газраас Түвдийн асуудалтай холбоотой ямар нэг шийдтэй хариу мэдэгдээгүй байгаа юм.