Амьд хөгжмийн “A Sound” хамтлаг тун удахгүй Английг зорих нь ээ. Саяхан бие даасан хоёр дахь тоглолтоо “Зуун наст” нэртэйгээр хийсэн тус хамтлагийнхан Английн Лондонд ажиллаж, амьдарч, сурч байгаа монголчууддаа шинэ жилийн бэлэг болгон “Зуун наст” тоглолтоо хүргэхээр болсон байна. Тиймээс ирэх арванхоёрдугаар сарын 3-нд Лондон хотын “Guanabara” клубт “A Sound” хамтлагийн “Зуун наст” тоглолт ганцхан удаа эгшиглэж, залуусыг уяраан басхүү байлдан дагуулахаар товоо зарлажээ.  Өөрийн гэсэн хүрээлэл үүсгэн хүлээлтээр багладаг “A-Sound”-чууд энэ удаад Лондон дахь монголчууддаа “Lullaby”, “Чин зүрхний хайр”, “Толгойтоынхон”, “Гитарын минь уйлах дуу”,” Нуугдах салхи”, “Sometimes i get”, “Shine On”, “Шал дэмий”, “Forever”, “Crying” гээд танил аялгууг дэлгэх нь ээ.