УИХ-ын чуулганы өнөөдрийн хуралдааныг 10.00 цагт зарлаж, Хадгаламжийн даатгалын тухай, Иргэний хуульд нэмэлт оруулах тухай,  УИХ-ын зарим гишүүний бүрэн эрхийг хүлээн зөвшөөрөх тухай зэрэг хэд хэдэн асуудлыг хэлэлцэхээр төлөвлөөд байсан ч гишүүдийн ирц хангалтгүй байгаа тул 15.00 цаг хүртэл хойшлууллаа.

Чуулганы танхимд зөвхөн Ардчилсан намын гишүүд цуглаж, Монгол Ардын нам болон МАХН-МҮАН-ын “Шударга ёс” эвслийн гишүүд ирсэнгүй. Ирц хангалтгүй байгаа тул УИХ-ын дарга З.Энхболд чуулганы хуралдааныг хойшлуулав.