Туркийн ерөнхий сайд Реджеп Тайип Эрдоган ирэх долоо хоногт Израйль Палестиний ширүүн мөргөлдөөн үргэлжилж байгаа Газын зурваст айлчлахаар болсон тухай дотоодын “Today"s Zaman” сонинд мэдэгджээ. Түүнээс гадна “Хамас”-ын удирдагч Калед Мишаал мөн ирэх сарын 5-нд Газын зурваст ажиллах гэнэ.

Туркийн ерөнхий сайд уг нь энэ сарын эхээр Газад айлчлахаар төлөвлөж байсан ч Израйль, Палестины хоорондох мөргөлдөөн ширүүссэн тул айлчлалаа түр хойшлуулжээ. Түүний айлчлал Газын зурвас дахь нөхцөл байдалд олон улсын анхаарлыг чиглүүлж, тайван замаар асуудлыг шийдэхэд нөлөөлөхөд туслах зорилготой гэнэ.