-Манай байгууллагаас энэ шалгалт хийж хууль зөрчсөн гэдгийг баталсан. Газрын тосны газраас “НИК” компанийн шатахуунд хязгаарлалт хийсэн гэх өдрүүдэд буюу энэ сарын 6, 7-нд шатахууны хангалттай нөөцтэй байсан гэдгийг баталсан.

-Торгуулийг хэмжээг яаж тогтоосон бэ?

-Ийм зөрчил гаргасан тохиолдолд Өрсөлдөөний тухай хуульд зааснаар 16 хүртэлх тэрбум төгрөгөөр торгох учиртай. Бид харин ч харгалзан үзээд дөрвөн тэрбумаар торгосон.

-Нефть импортлогчид дур мэдэн шатахуун борлуулахаа хязгаарлах, цаашилбал гэнэт үнэ нэмэх гэх зэргээр үе үе хэрэглэгчдийг сандаргадан. Цаашид ер нь энэ асуудалд ямар зохицуулалт хийх ёстой вэ?

-Стратегийн салбарт ажиллаж байгаа байгууллагууд хариуцлагатай байх ёстой. Дураараа асуудлыг шийдэж, мэдэгдэл хийх ёсгүй. Заавал төртэй зөвшилцөх ёстой. Хэрэв хариуцлагагүй мэдэгдэл хийснээр нийгэмд, олон нийтэд гэм хор учирвал Эрүүгийн болон Захиргааны байцаан шийтгэх хуулинд зааснаар шийтгэл оногдуулах болно.

-Хуулинд хариуцлага тооцох талаар хэрхэн тусгасан байдаг юм бэ?

-Эрүүгийн болон Захиргааны байцаан шийтгэх хуулинд энэ асуудлаар нэмэлт өөрчлөлт оруулах төсөл боловсруулсан. Удахгүй УИХ-д өргөн барьж, батлах байх.