Сонгуулийн дүнг эцэслэн гараагүй байхад МАН, АН зэрэг намууд өөсрдийн ажиглагчаар дамжуулан авсан мэдээллээр ялалт байгуулсан талаар олон нийтэд мэдээлэл хүргэж байсан. Гэвч эцсийн дүнг тойргийн хороод танилцуулах юм. Тойргийн хороодоос СЕХ-нд ирсэн мэдээллээр АН олонхийн суудал авч ялалт байгуулсан байна.

СЕХ-оос өгсөн мэдээллээр орон нутагт Ардчилсан нам хамгийн олон суудал буюу 379, МАН-334, МАХН дангаараа 16, МАХН-МҮАН-ын “Шударга ёс” эвсэл дөрөв, ИЗНН-МАХН-ын эвсэл хоёр, ИЗНН дангаараар нэг, зургаан бие даагч ялсан гэсэн мэдээлэл байна.  Харин нийслэлийн зургаан дүүрэгт дахин санал хураах бөгөөд гурван дүүрэгт ирц хүрсэн байна. Ирц хүрсэн гурван дүүрэгт АН-29, МАН-36, МАХН-аас хоёр нэр дэвшигч тус тус ялалт байгуулсан байна.

Одоогийн байгаа мэдээллээр АН-408 суудал, МАН- 370, МАХН-18 суудал тус тус авсан байна. Үүн дээр нийслэлийн зургаан дүүрэгт дахин санал хурааж, дүнг нэгтгэн гаргах юм. Дахин санал хураалт энэ арваннэгдүгээр сарын 30-ны баасан гаригт болох юм.