Орон нутгийн сонгуулийн тухай хуулийн дагуу ирц хүрээгүй дүүргийн зарим хороодын дахин санал хураалт баасан гаригт болно. Нийслэлийн ИТХ-ын тэргүүлэгчид өнөөдөр хуралдаж, санал авах өдөр буюу арваннэгдүгээр сарын 30-ны баасан гаригт 08.00-14.00 хооронд санал өгсөн иргэдийг ажлаас чөлөөлөхөөр боллоо.

Өөрөө хэлбэл, ирц хүрээгүй дахин санал хураах хэсгийн иргэд 08.00-14.00 хооронд саналаа өгч, саналын хуудсаа авчирч, ажлаас чөлөөлөгдсөнөө баталгаажуулах юм байна. Санал өгсөн иргэдийг ажил тасалсанд тооцохгүй гэсэн шийдвэрийг өнөөдөр НИТХ хуралдаж шийдвэрлэсэн байна. Нийслэлийн Баянзүрх, Сонгинохайрхан, Баянгол, Сүхбаатар, Хан-Уул, Чингэлтэй зэрэг зургаан дүүргийн нийт 129 хэсгийн хороонд дахин санал хураах бөгөөд Орон нутгийн сонгуулийн тухай хуулийн дагуу дахин ирц харгалзахгүйгээр хамгийн олон санал авсан нэр дэвшигчийг ялсанд тооцох юм.