Реппер 50 Cent тав дахь шинэ цомогтоо орох "My Life" нэртэй шинэ синглээ клипийн хамтаар   фэнүүдээ хүргэхэд бэлэн болжээ. Өдгөө 37 настай нэрт дуучны энэхүү шинэ сингл түүний хамгийн сүүлийн уран бүтээл бөгөөд тэрээр реппер Эминем болон Америкийн нэрт поп рок хамтлаг Maroon 5″-ийн дуучин хөгжимчин Адам Левин нарын хамт шинэ синглдээ  хамтран ажилласан байна.

50 Cent энэхүү шинэ синглийнхээ талаар “MTV News”-т өгсөн ярилцлагадаа "My Life" сингл 2011анх  онд бичигдэж байсан ч одоог хүртэл өөрийн гэсэн видеотой шинэчлэгдсэн хувилбараар сонсогчдын хүртээл болоогүй байсан. Шинэ синглээ фэнүүддээ хүргэж байгаад баяртай байна. Видеоны хувьд зарим талаар солиотой ч гэмээр хийсвэр  төрлийн зарим нэг санааг өгүүлсэн”  хэмээн ярьжээ.