Америкийн нэртэй сэтгүүлүүдийн нэг “TIME” жил бүр уламжлал болгон Зул сарын өмнөхөн "Person of the Year" буюу “оны онцлох хүн”-ийг тодруулдаг уламжлалтай аж. TIME энэ жилийн шагналд нэр дэвших хүмүүсийг өчигдөр зарласан бөгөөд уг шагналд 38 хүн нэр дэвшээд байгаа юм байна. Тухайлбал нэрт дуучин Jay-Z , Өмнөд Слонгосын дуучин Psy, болон E L James, олимпын алтан медальт Америкийн уран гимнастикч Габриэль Дуглас, усанд сэлэлтийн олимпын аварга Майкл Фэлпс, “Yahoo” компанийн захирал Мариса Майер нар нэр дэвшиж байгаа гэнэ.

 Түүнчлэн АНУ-ын Ерөнхийлөгч Барак Обама энэ жил дахин нэр дэвшиж байгаагаас гадна  Пакистаны зоригт охин Малала мөн нэр дэвшиж байгаа аж.

Энэхүү шагналыг өмнөх жилүүдэд АНУ-ын Ерөнхийлөгч Барак Обама, ОХУ-ын Ерөнхийлөгч Владимар Путин, Америкийн эдийн засагч Бен Бернанке, нэрт компьютер програмист Марк Цукерберг нарын алдартнууд хүртэж байжээ.