“Эспаньол” багийн өмнөх дасгалжуулагч Маурисио Почеттиног тааруу амжилтынх нь төлөө өчигдөр ажлаас нь халж, оронд нь мексик гаралтай Хавиер Агуерыг шинэ албан тушаалд нь томилсон байна. “Эспаньол” өнгөрөгч ням гаригт “Хетафе”-тэй хийсэн тоглолтод 2:0 харьцаагаар ялагдал хүлээж, Ла лигийн хамгийн сүүлийн байрт бичигдэх болсон юм.

Агуер өмнө нь Мексикийн шигшээ багийг 2000-2001, 2009-2010 оны хооронд дасгалжуулж байсан туршлагатай нэгэн юм. Тэрээр тоглогчийн хувиар нутгийнхаа маш олон клубт тоглож байжээ. Үүнээс “Гуадалараха” болон “Атланте” багт удаан тоглосон байдаг. Харин АНУ-д “Лос Анжелес Ацтекс” багт нэг улирал тоглосон бөгөөд Испанийн “Осасун”а клубт 13 тоглолтод гарч тогложээ. Тэрээр нэг улиралд хоёр сая ам.долларын гэрээтэйгээр Каталоны “Эспаньол” багт ирсэн байна.