Орон нутгийн цагаар өчигдөр орой Германы баруун өмнөд мужид орших Каритас шашны байгууллагын ухуулах төвд гал гарч, 14 хүн амь үрэгдсэн тухай Титиси Нойштат дүүргийн цагдаагийн газраас мэдээллээ. Амь үрэгдэгсдийн хэн болохыг одоогоор тодорхойлоогүй байна. Мөн галын шалтгаан нь ч тодорхойгүй байгаа ажээ. Урьдчилсан дүгнэлтээр тус шашны байгууллагын агуулахаас эхлэн гал авалцсан байж болзошгүй аж. “Манай байгууллагад үнэхээр хүнд гарз учирлаа. Бид ойрын хугацаанд галын шалтгааныг тодруулах болно. Амь үрэгдэгсдийн ар гэрийнхэнд гүн эмгэнэл илэрхийлье” гэж Германы Каритас Ассоциацын тэргүүн Др. Петер Нехер ярьжээ.

Каритас байгууллага нь 165 гаруй католик шашны байгууллагуудыг эгнээндээ нэгтгэсэн томоохон шашны байгууллага юм. Энэхүү байгууллага буяны болон хүмүүнлэгийн ажилд идэвхтэй оролцдог юм байна.