Их Британийн нэрт рок хамтлаг “Rolling Stones” өчигдөр буюу ням гаригийн орой өөрсдийн 50 жилийн ойдоо зориулсан тоглолтоо Лондоны “O2 Arena”-д хийжээ. Дэлхий даяар дуу хөгжим сонирхогч олон мянган шүтэн бишрэгчтэй уг хамтлаг 2007 оноос хойш анх удаа “O2 Arena”-гийн тайзан дээр фэнүүдтэйгээ уулзаж байгаа нь энэ юм. Тэд 50 жилийн ойдоо зориулсан энэхүү тоглолтдоо олон мянган фэнүүдээ гайхашруулсан хит дуунуудаараа бэлэг барьж, Лондон хотын үзэгчид нэгэн оройг эрч хүч, догдол дүүрэн өнгөрүүлжээ. Хамтлагийн гишүүд ч мөн 50 жилийн ойдоо зориулсан тоглолтоо маш гайхамшигтай хийх болно гэдгээ мэдэгдэж, бэлтгэл ажилдаа орсон талаар тоглолт болохоос өмнө хоёр сарын өмнө мэдэгдэж байсан юм.

Түүнчлэн хамтлагийн гишүүдийн үзэгчдийн байлдан дагуулсан олон хит дуунаас гадна “Rolling Stones”-ийхны хувцаслалт, тайзны гэрэлтүүлэг, хөгжим  гээд тоглолтын бүх зүйл маш гайхалтай байжээ. Тэд ирэх пүрэв гаригт мөн Нью-Йорк хотод 50 жилийнхээ ойд зориулсан ээлжит тоглолтоо хийх бол арванхоёрдугаар сард Нью-Жерсид хийх юм байна. Олон мянган шүтэн бишрэгч цугласан нэрт рокеруудын уг тоглолтын тасалбар 95 евро бөгөөд үнийн хувьд ч хамгийн  боломжийн  хэмээн шүтэн бишрэгчид үзэж байгаа гэнэ.