Хятадын баруун өмнөд хэсэгт орших нүүрсний уурхайд өчигдөр буюу бямба гаригт дэлбэрэлт болсны улмаас 18 хүн амиа алдсан тухай Синхуа агентлаг мэдээлжээ. Дэлбэрэлт Хятадын Гуйчжоу мужийн “Xiangshui” нэртэй чулуун нүүрсний уурхайд өглөөний 11.00 цагийн үед гарсан бөгөөд албаныхан дэлбэрэлтийн шалтгааныг илрүүлээгүй байгаа аж.

Хятатад чулуун нүүрсний уурхайд иймэрхүү дэлбэрэлтийн улмаас амиа алдагсдын тоо  бусад орнуудаас илүү өндөр байдаг бөгөөд өнгөрсөн жил л гэхэд 1973 уурхайн ажилчид амиа алджээ. Албаны эх сурвалжуудын мэдээлснээр сүүлийн гурван жилд л гэхэд Хятадын Сичуань мужид иймэрхүү дэлбэрэлтийн улмаас 44 уурхайчин амиа алдсан бол энэ оны есдүгээр сарын байдлаар Гансу мужид 20 уурхайчин амиа алджээ.