Оюутолгойн гэрээ, түүний эргэн тойрон дахь асуудлаар УИХ-ын гишүүн С.Баярцогт, С.Ганбаатар нар өчигдөр халз мэтгэлцлээ. МҮОНТ-ийн “Студи 600”-гаас улс орон даяар шууд ард түмэнд хүрсэн мэтгэлцээний явц, үр дүн, ач холбогдлын талаар хүн бүр дор бүрнээ дүгнэлт хийж байна.

Мэтгэлцээний үеэр болон дууссаны дараа “Eagle News” телевизээс зохион байгуулсан “Ньюс агентлаг”-ийн тоймчдын хэлэлцүүлгийн үеэр “Ньюс агентлаг”-ийн зүгээс олон нийтийн дунд нээлттэй санал асуулга явуулсан юм. Санал асуулгаар 14500 орчим иргэн онлайн хэлбэрээр болон утсаар холбогдож, мэтгэлцээний талаарх саналаа ирүүлсэн бөгөөд үүнд УИХ-ын гишүүн С.Баярцогтыг 57,1 хувь нь дэмжжээ. Харин С.Ганбаатар гишүүнийг дэмжиж буйгаа илэрхийлж, нийт оролцогчдын 41,3 хувь нь саналаа өгсөн бол үлдсэн 1,6 хувь нь хэнийг нь ч дэмжихгүй гэсэн байр суурьтай байгаагаа илэрхийлжээ.