Британийн видео тоглоом зохион бүтээгч Питер Молиньё видео тоглоомын ертөнцөд хамгийн олон шүтэн бишрэгчтэй орчин үеийн тоглоомын хамгийн анхны хувилбар гэгддэг “Populous”-ийн шинэ хувилбарыг гаргах болсноо мэдэгджээ. Молиньёгийн мэдэгдсэнээр уг тоглоомыг дахин шинэчлэхэд 450 мянган евро шаардлагатай байгаа бөгөөд төлөвлөгөө ёсоор бол тоглоом ирэх 2013 оны есдүгээр сард бэлэн болох гэнэ.

Молиньё 1989 онд анх “Populous”-ийн анхны хувилбарыг зохион бүтээж байжээ. Түүний мэдэгдсэнээр уг тоглоом нь “Dungeon Keeper” болон “Black and White” тоглоомуудтай ерөнхийдөө төстэй ч өөрийн гэсэн онцлогийг агуулсан байх гэнэ. Харин тоглоомыг зохион бүтээхэд Молиньёд компьютер вэб системийн томоохон компаниудын нэг “Kickstarter” санхүүгийн тусламж үзүүлэхээр болжээ.