Нийслэлийн Баянзүрх дүүргийн 14 дүгээр хороо, ХӨСҮТ-ийн хашаанд байрлах “Визард констракшн” компанийн 120 айлын орон сууцанд их хэмжээний ус алдаж, оршин суугчдад хохирол учруулдаад байгаа аж. Энэ талаар оршин суугчдаас тодруулахад “Шөнө 04.00 цагийн үед гэнэт паар задарч, олон цагийн турш их хэмжээний ус алдсанаас хана, тааз, паркетан шал авах юмгүй болж, эд хогшил сүйдээд байна. Бас тог тасарч автомашины граш усаар дүүрээд байгаа. Одоогоор компанийн ажилчид паар сольж өгч байна” гэсэн юм.

Энэ талаар “Визард констракшн” компаниас тодруулахад “Их хэмжээний даралттай ус ирснээс ийм байдалд хүрсэн байж болзошгүй. Гэхдээ шалтгааныг тодруулж байна” гэв.