Пакистаны нийслэл Исламабад хотод өчигдөр исламын шашны нэгэн зан үйлийн үеэр Талибаны амиа золиослогч бөмбөг дэлбэлсний улмаас 23 хүн амиа алджээ. Исламабадын Аврах албаны ажилтан Дийба Шахназын мэдээлснээр амиа золиослогч этгээд өчигдөр нийслэлд ийнхүү бөмбөг дэлбэлэхээс өмнө лхагва гаригийн орой Равалпинди хотод мөн бөмбөг дэлбэлсэн нь тогдоогджээ.  Дээрх  дэлбэрэлтийн улмаас Равалпиндид зургаан цагдаагийн ажилтан амиа алдаж, найман хүн хүндээр шархдсан байна. Хоёр хотод гарсан дэлбэрэлтийн улмаас нийт амиа алдагсдын тоо 23, шархдагсдын тоо 62-д хүрээд байна.

Цагдаагийн ажилтнуудын мэдээлж байгаагаар амиа золиослогчидтой холбоотой сэжигтнүүд болоод хэргийг мөрдөн шалгах ажиллагаа үргэлжилж байгаа юм байна. Түүнчлэн тэсрэх бөмбөгний хэмжээг албаныхан маш өргөн хэмжээний газрыг хамарсан, хүчин чадлын хувьд өндөр байсан байж болзошгүй гэж тооцоолж байгаа юм. Учир нь дэлбэрэлт болсон газар амиа алдагсдын цогцос бүтнээр биш дандаа хэсэг хэсгээрээ, ихээр тасарсан байсныг албаныхан илрүүлсэн байна.